More you might like
Always happy. No questions.
قريت بوست لبنت بتقول انها بعد ما فسخت خطوبتها (اللي استمرت تلات سنين مع شخص بتحبه جدا) اتمنيت تلاقي مكان يمسح ذاكرتها وذكريتها زي كليمنتين. وانها برغم تخلصها من كل الهدايا وتجنبها اي حاجة بتفكرها بيه لسه بيجي عليها اوقات بتكون اوفرويلمد من سيل الذكريات وتداعيتها اللي بتحصل من مواقف بسيطة.
قريت كلامها اكتر من مرة وسألت نفسي ليه ممكن حد يختار يمسح ذاكرته المرتبطة بشخص ما؟ في النهاية الجزء اللي قضيته معاه ده محسوب من عمري ومن خبرتي الحياتية ونضجي/ كلاكيعي العاطفية. ليه اتجنب اماكن / افلام / اغاني / تفاصيل حياة بتفكرني بحد !
انا مستوعبة الارتباط الشرطي اللي حاصل بين الشخص ده والحاجات دي، بس كمان مستوعبة ان مفيش حد من حقه يبوظ عليا الاستمتاع بتفاصيل الحياة سواء بقا مكان ولا اغنية ولا اي ما كان. ليه اتجنب مكان بحبه بدل ما ابني ارتباط شرطي جديد!
كان حد قال ان واحدة من طرق التغلب علي ذكرياتنا التعيسة وحكايتنا الموجعة هي اننا نحكيها لشخص بنحبه وبنحس معاه بالامان. وبكده الحكايات اللي كانت مرتبطة بطاقة سلبية هترتبط في دماغنا بلحظات احتواء وتفهم.
عموما يعني انا مقتنعة ان الاحسن بدل ما الواحد يخبط في ذكري بعد ما يكون افتكر نفسه تجاوز الامر ويلاقي نفسه في خانة الصفر من تاني. الافضل انه يروض الذكرايات دي انه يحورها ويخليها اليفة مبتوجعش.
المشوار كان هدفه اني اجيب خاتم دهب … بعد رابع او خامس محل، ماما قالت لي بزهق: مش معقول مفيش حاجة مش عجباكي، ده مش اخر خاتم هتشتريه! بابا رد عليها: بنتك يا اما تلاقي اللي عاجبها زي ما هي عايزاه بالظبط، او مش هتشتري ومش هيفرق معاها انها ترجع من غير خاتم.
كالعادة دماغي اتقسمت نصين ..نص معجب بفهم بابا ليا والنص التاني بيقول نفس جملة ماما ..مش اخر مرة هنشتري، فهاتي خاتم حاليا حتي لو مش عاجبك اوي.
في وسط ده لفت نظري اطقم الدهب اللي بتتجاب في الشبكة، وبدأت اصور فيهم وشايفة تساؤل في عين ماما عن سبب اهتمامي…لغاية ما الاخير ده خطف قلبي وعيني.
سألت على تمنه وطلع بما يوازي ١٣٠ الف جنية. لما سمعت التمن اللي هو 27 الف ريال، قلت بغرور مش خسارة فيا. بس لما رجعت البيت وفكرت، لقيت سؤال نط في دماغي هل كده الطقم ده غالي ولا سعره معقول ؟ طيب هو التقيم يتحدد على اساس ايه؟
افتكرت مقال قريته زمان بيقارن تمن موبيل ايفون بعدد ايام العمل في كل دولة وعلي اساسه يقرر اذا كان تمنه غالي او مناسب. وقتها كان تمن الايفون بيساوي ٧ شهور شغل في باكستان!
بنفس المقاربة الحسابية لقيت تمن الطقم بيسواي ايام كتير اوي شغل وصحيان من النوم بدري وتعامل مع ناس لا تتطاق. وطالما انا مش هوافق اشتريه لنفسي، فمش موافقة كمان حد يشتريه ليا تحت مسمى شبكة. مش مستعدة ابدل كل ايام شغل شخص تاني ولا شغلي بقطعة من الدهب المرصعة بفصوص الالماس. ومش عارفة نمط التفكير ده يخليني شخص يتوصف بايه ؟
عموما ده لا يمنع ان الطقم جميل جدا وبالمللي على ذوقي ومزاجي. والاجمل انه اثار تساؤلات ماما وشكوكها اللي مش عارفة جابتها منين ! امال لو شافت الجاليري المليان فساتين فرح! كنت حابة اقولها اني منوراكم كتير فلا تقلقي ..بنتك بتحب الدهب مش اكتر ولا اقل.
حاسة اني عاملة زي التلاجة مليانة حاجات لكن مفيهاش حاجة تتأكل
ربنا ابتلانا بجار ساكن تحتنا زي مستر بيكلز، مستبعدش انه في مرة هيطلع يتخانق معانا لاننا بنتنفس بصوت عالي. عنده ازمة نفسية من اي صوت بنعمله او مبنعملوش في شقتنا. حسب علمي انا واخويا مبنجريش ورا بعض ولا عندنا فرقة تاب دانس بتتدرب في بيتنا، ومع كده احنا اشخاص مزعجين جدا وهو مستحملنا مرعاة للجيرة.
حاليا بقاله نص ساعة بيتخانق مع احمد علي الباب، لاننا حسب كلامه قطعنا سلك الدش بتاعه. وان الفني اللي جابه قال ان سلك الدش مقطوع منه اربعة متر. وبيتكلم ان الجيرة لها حقوق واهمها منقطعش سلك دش الجيران!
الناس اللي زي جارنا ده بتخليني استعيد ايماني باهمية انقراض البشرية.
هيييييح … المهم … حد يعرف ممكن نعمل ايه باربعة متر من سلك الدش ؟!
“.. وبينما انا في سيارة الاجرة متجها للمطار انتبهت فجاءة انها صارت جزء من حياتي منذ نحو خمس سنوات .. نظرت باتجاه بيتها .. وهناك كانت هي .. تجلس مثل تمثال .. نحيلة ودقيقة تجلس بالهدوء المتوتر لمن ينتظر احدا لن ياتي .. لم أستطع تفادي صوت في داخلي باني سافقدها للابد .. ففكرت للحظة بإيقاف التاكسي كي أودعها .. لكني فضلت الا اتحدي مرة اخري قدرا شديد الالتباس والثبات مثل قدري”
شرط الأخذ، العطاء.
خلينا نتفق أن عمايل الحلويات مينفعش فيها استفتي قلبك خاااالص. يجب الالتزام بالمقادير . ده درس مهم لازم نتعلمه ويا حبذا لو قبل ما نعمل الكيكة.
كان في نيتي ( والمهم النية ) اني اعملهم قالب كيك يفتكروني بيه. هما هيفتكروني فعلا (الهدف اتحقق) بس مش بشكل كويس ابدا للاسف 😏
لما بعت لأحمد صورة الكيكة … قال لي: الحمد لله كده مش هيزعلوا لما تمشي 😀
# مين مقضي ليلة الخميس بيأكل كيكة لوحده ناو ومقتنع انها كميلة !
#my second passion
